The Five-Minute Sufi

Welcome!

ایک شام مجھے اپنا ایک قریبی دوست فراز ، استقبال رمضان پروگرام میں اپنے ساتھ مراقبہ ہال(خانقاہ) لے گیا۔ جب ہم وہاں پہنچے تو مقرر روزے کی اہمیت اور اسکے باطنی پہلوپر روشنی ڈال رہا تھا۔ یہ میرا تصوف سے پہلاتعارف اور دیرینہ تعلق کی ابتداء تھا ۔ ‘پانچ منٹ صوفی ’کو شروع کرنے کا مقصد تصوف کو جیسا میں نے سمجھا ہے چھوٹے چھوٹے پوسٹ کی صورت میں ایک جگہ جمع کرنا ہے ۔ تاکہ ان تحریروں کو غوروفکر سے بار بار پڑھتا رہوں اور ان میں موجو د عملی اسباق کواپنی زندگی کا حصہ بنا ؤں۔ کیونکہ صوفی جب تک عمل کی بھٹی سے گزرتا نہیں گوہر مقصود ہاتھ نہیں آتا۔ اگر میری اس کاوش سے کسی اور کا بھلا ہوتا ہے تو نور علٰی نور ہے۔میں ہفتے میں ایک یا زیادہ سے زیادہ ۲ پوسٹ لکھوںگا۔ کیونکہ لکھنا یا پڑھنا اتنا اہم نہیں ہوتا جتنا کہ ہم اس لکھے یا پڑھے کے ساتھ کیا کرینگے۔ قارئین سے میری گزارش ہو گی کہ وہ پوسٹ کو پڑھنے کے بعد سارے دن میں جب بھی موقع ملے اس پر غور و فکر کریں۔ اور دن کے اختتام میں جو بھی غوروفکرکا حاصل ہو اسکو لکھ لیا کریں۔ اگر کو ئی عملی پہلو اس سے نکلتا ہو تو اسکو عملی زندگی کا حصہ بنائیں۔ یاد رکھیں تصوف ایک عملی چیزہے اور اس میں منزل بغیر عمل کے ہاتھ نہیں آتی۔